الكل كارهني حتى الي فالمقبرة

السلام عليكم

اول شي انا احس هذا الي كتبته شي يظحك المهم ع راحتكم .
ردوا علي كيف ما تبغون هههههههههههههههههههههه.

انا انسان تعودت اني انكره من كثر البلاوي الي اسويها بس مب هالمهم.
انا ساكن ف دبي و فوق ها كله بيتنا ورا مقبرة , لا بعد فريجنا بين مقبرتين,
تبغوني اكون اكثر وضوحا ههههههههههههه في <القوز>.
اوكيك
و ثاني شي انا انسان ما اخاف من اي شي او اهتم لاي حد لاني فقدت اعز شخصين لي , فما يهمني اذا انكرهت او اذا سويت شي الي فالمقبرة يكرهوني بسبته
بعطيكم مثالين:
1-انا عادي عندي اذا مشيت فوق مقبرة حد و انا مسونها لاني ما اهتم .
2- اخر مرة دخلنا المقبرة كانوا يدفنون ميت ونحن نعلق عليه شو كنا نقول؟
ما اذكر المهم. صح سالت ربيعي اذا دفنوا الميت او لا . شو رد علي: لا بعدهم الريل طالعة فوق , الحبيب استوى نفسي , وانا ما قصرت فيه شو قلت هاي مب ريوله لاني اشوف راسه ولعلمكم ظحكنا والكل كان يشوفنا و كأنا ماكلين شي من حلالهم المهم زين انهم ما هجموا علينا .
انا عها الحالة لين الحين حتى كل ما امر من عند المقبرة بتشوفوني حاط سماعة ف اذني واسمع اغاني .
واذا سلمت على اهل المقبرة كاني مسلم على الربع.

تذكرون اني قلت فقدت اعز شخصين لي صح انا اعرف عمري والله العظيم لو ها الشخصين عايشين لين الحين وياي ما كنت بسوي ها كله على الاقل واحد بس ..........شو اسوي الكل بيموت فيوم لها الشي انا ما اهتم
عيش وموت والناس بينسونك و كأنك ما انوجدت .
تبغون تضحكون اضحكوا واذا ما ضحكتوا يمكن الحين تضحكون :
تعرفون ليش انا كتبت ها كله لاني قبل يومين حلمت حلم مب مهم بس اخر مقطع فها الحلم كان مهم : حلمت اني ماسك صورة فيها ناس ما اذكر اذا كانوا ميتين او لا بس يوم دققت فالصورة شفت اشباح , جن ما ادري واحد من هالاثنين هههههههههههه وضحكت عليهم ظحكة خايسة من القلب و فجاة ما قدرت اتنفس ليش ؟ في شي ع صدري لا في حد يالس ع صدري .
اذا تعرفون >( ياثوم )< وايد زين لان هذا الي كان يالس ع صدري فديته مسولي زيارة, كلب زين ما ذبحني تعرفون اني بعد هالمقاومة عالفراش يوم قمت قلت اعوذ بالله من الشيطان الرجيم بعدين طحت فيه سب لين ما رديت و ورقدت ههههههههههههههه.
الحين انا كاره عمري بسبة هالحركات الي اسويها لاني ما احترم حد ..
المهم بتصدقون صدقوا ما بتصدقون لا تصدقون لاني ما بستفيد شي اذا كنت جذاب .
اذا عندكم نصيحة لا تبخلون بيها لاني ابغي اغير عمري لاني كرهت عمري ....

و شكرا عالقراءة..

يسلام ع الموضوع الغاوي

كثر منه اخوي

وعليكم السلام..^_^

اخويه قصتك غريبه,,تبا الصراحه اول شي ماصدقتك من نكك
المهم,,الله يعلم اذا كنت صادق او جذاب
والله العظيم كل ما امر على منطقة القوز اقول الله يعين اللي عايشين هنيه عند المقابر,,,

"وكل نفس ذائقة الموت"...
مب معناته اذا فقدت اعز شخصين تسوي الي يالس تسويه..
ايلس ادعي للي فقدتهم مب تعلق عليهم .. لانك ما بتستفيد شي .. و دور لك مكان ثاني اتسير له غير المقبره..
اوكيه لا تهتم للناس احسن بعد ,,, بس مب لدرجة انك تأذيهم..
ولازم اول شي تحب عمرك عشان الناس يحبونك
هههههه..الناس يقرون المعوذات يوم اييهم ياثوم مب ييلسون يسبونه...ايلس اقرا (قران) وادعي لـ ربك انه ايسر لك و يفرج همك..
والله ما ينسى عبده .. وخلك ايجابي
وبــس هـذا الي عندي,,,^_^

العفو :)...~

مرحبـآآ خويه ..

آول شي يوم انك تعرف ان الشي اللي تسويه غلط عيل ليش اتم عليه واترد اتعيده ؟ هالشي اللي استغربت منه ..

وبعدين احيد الناس جان ساروا المقبره يسيرون يعزون مب يعايبون صح ولا !! .. يعني خل عنك هالسوالف ولا تسير المقبره موول جانك تسير بس جيه .. يعني جان تعرف هالشخص اللي توفى سير وجان ما تعرفه لا تسير عشان ما تاخذ ذنووب ..

وبعدين مب معناته اذا فقدت اعز اثنين ما تحترم الناس ..
بالعكس تذكرهم واقتديبهم .. لان اكيد اعز اثنين عندك انت ما حبيتهم إلا لانهم زينين صح !!

واخيرا .. الله يعينك عـآآد .. لاني الصراحه ماداني هالمنقطه وازيغ منها ..
وهالحلم الي حلمته من الاشيا الي تسويها فـ دنيآك خويه ..

وعـآآد هذا الي عندي ..
واتمنى تتقبل النصيحه من اختك " خالي مستريح "
والسموحه جان غلطت بشي ..

الصراحه انا روحي ابي حد ينصحني وما عندي شي...

بس حبيت اقولك لا تحط في بالك ان الكل كارهنك ...

مثل ماقالوا خواتك (( عيني جداكم _ خالي مستريح))

وانا أأيدهم

وانتمنى تتغير عشان الكل يحبك ^^

والسموحه

ما قصروااا اخواني ..
بس قصه تذكرني بقصه مشابهه لك تقريبااا يعني كانت حياته كلها مصخره بمصخره ..
ويمكن كان يسوي اشياء شوي اخطر عنك ..
بس الحمدلله رحع اللي انعرفه ..

مادري بس الله يهديك وطبعاا تاكد من شي واحد ان الاشخاص الغالين اللي فقدتهم ابد مب راضين من اللي تسويه ..
وحاول دايم تسمع لك قران وتقرا المعوذات ..
والله يوفقك ان شاء الله ...
واتمنى بعد فتره ترد تكتب لناا موضوع حلوو غير عن هذا الموضوع اللي يضيق الخاااطر...
واسمحلي جان طولت عليك ^^

يسلمووووو

يسلموووووووووووو ع الموضووووووووع

تسلمون علي الموضوع علي النصائح ..

اذا تعرفون >( ياثوم )< وايد زين لان هذا الي كان يالس ع صدري فديته مسولي زيارة, كلب زين ما ذبحني تعرفون اني بعد هالمقاومة عالفراش يوم قمت قلت اعوذ بالله من الشيطان الرجيم بعدين طحت فيه سب لين ما رديت و ورقدت ههههههههههههههه.

انا نفس اشي اقوم و اقول العوذ بالله من الشيطان الرجيم .. وبعد اقعد اسب لاكن
اخاف واقعد واقرا قران وبعدين ارقد .. لاكن ما استوالي جيه غير مرتين وبس ..
بعدين ما ياني وان شالله ما ايني ..