لا حياة بدون بنات ..~
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 قصــه رومنسيه حيـــــــــــــــــل

اذهب الى الأسفل 
كاتب الموضوعرسالة
عاشقه الاصفر
~[ عضو ]~


انثى عدد الرسائل : 41
العمر : 27
الإقامه : ف قلب حبي
الوظيفة : اسهر ع راحت حبي
مزاجي :
تاريخ التسجيل : 30/04/2008

مُساهمةموضوع: قصــه رومنسيه حيـــــــــــــــــل   الأربعاء يونيو 11, 2008 5:26 am

شحااالكم شخباااركم ؟
انا اليوم يابتلكم قصه وااايد عيبتني و ان شا الله تعيبكم انتو بعد بس لتبخلوون بردود هع

شيخه : سيف ابا اصارحك بشي ولازم تعرفه

سيف : تصارحيني ... امري يابعد عمري صارحي

شيخه : سيف انته تدري اني احبك .. بس لازم تعرف شي واحد عني سيف انته بدوي وانا .. وانا ...

سيف : وانتي شو .. شو السالفه حياتي

شيخه : سيف انا عيميه ... انا عيميه .. وانته بدوي وتعرف ..

سيف : ههههههه شو يعني عيميه ؟ انتي مو من الامار ا ت

شيخه : امبلا اماراتيه .. اكيد بس اصولي عيميه

سيف : اقول سمعيني بالعيمي كلمه احبك وانا بقولها لج

شيخه : ههههه شو بدينا نطنز

سيف : افااااا فديت روحج شو اصلج وشو فصلج ما يهمني يكفي قلبج يحبني وقلبي يحبج .. في الحب مافي شي اسمه اصول وفصول والله لو اصلج ايطالي . او حتى كوكب المريخ بعدني احبج شو يعني عيميه

اممم اقول تبيني اسمعج شي

شيخه : قول





سيف :



عيميـه ؟ شويعنـي؟ يكـفـي انــج تحبيـنـي
دامج بنت بلادي قولـي شويعنـي عيميـه؟

ماهمنـي اصـل وفصـل ماهمنـي صدقيـنـي
ماهمنـي غيـر اصـل قلبـج الطـيـب علـيـه

قوليهـا كلمـة احـبـك وبالعيـمـي سمعيـنـي
ياحلاتها لـي جـت منـج يااغـلا كـل مافيـه

يكفي لـي تبسمتـي اضيـع بزحمـه سنينـي
وارجع طفلن صغيـر .. واقـول ابيهـا هيـه

ابيـج انتـي ابـي حضنـج يلمنـي ويدفيـنـي
وابي عينج تناظرني وايـدج شابكـه بيديـه

وابـي حـتـى ظـلـج ابــد مايـفـارج عيـنـي
وابـي حتـى انفاسـج تـكـون وحــدي لـيـه

ابيـج تاخذينـي ابعيـد مـن العالـم تنسيـنـي
ابي اعيش وياج كوكـب اسمـه رومانسيـه

وانا حاضر تحت امرج لج روحي ومافيني
ولج دنياي ولج عمـري ولـج قلبـي هديـه

ولج وقتي ولج حسي ولج ماتملـك ايدينـي
ولج شوقي ولج فرحي ولج عينـي عطيـه

انا كلي لج اصلا اخذيني عذبينـي ارمينـي
وسقينـي مـر العـذاب بـلا رحـمـه وهنـيـه

يابنت الناس انا احبج وادعـي الله ايعينـي
واقول يارب يارب .. تجمعني ويا هالبنيـه

اصولج يابنت ماتهمنـي ولا كـل البلادينـي
فرنسـيـه تركـيـه او حـتـي كنـتـي عربـيـه

تحبينـي تحبينـي اشــوف قلـبـج يناديـنـي
يقولـي سيـف احبـك وقلبـي يقـول ياحـيـه

ابي الناس تسمعني وابيـج انتـي سمعينـي
انا بـدوي يانـاس وعاشـق واحـب عيميـه



86iy8
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصــه رومنسيه حيـــــــــــــــــل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¬°•| المنتدى الثقآفي والأدبي |•°¬ :: •°¬ | القصص والروآيآت | ¬°•-
انتقل الى: